قصه واقعيه سعوديه

سلام علكيم
اليوم جبتلكم هذا الموضوع
القصه واقعيه و سعوديه و حصلت في فترة قريبه المهم ابدأ بالقصه

يقولكم ان
فيه عائله من العوائل كل الاعمام ساكنين بالرياض الا واحد منهم ساكن بشقراء وهو العم جاسم عنده بنت اسمها
هدى بتتزوج و بكون زواجها في شقراء طبعا الاعمام راح يحضرون وبتحضر معهم المفاااجأة وصلو الاعمام
بالسلامه في يوم الزواج ماشاء الله بنات العم كثار لذالك جابو لهم كوفيرة تمكيجهم وتسويلهم تسريحات بدأت الكوفيرة
بالامهات بالاول يوم خلصتهم ،،
الامهات : بنات حنا الان بروح للزواج لاننا تأخرنا و أنتو بجيبكم واحد من عيال عمكم البنات بعد محااولات وافقو ورضو
جاء الحين شغل الكوفيرا
من راح تكون الاولى منى ثم سارة ثم جمانه ..الخ وخلو لميس اخر وحده
لميس تقول حق البنات: حرااام عليكم دائما اناااااا اخر وحده مايصير
البنات مع بعض: وش نسويبك عاد تحملي لميس استسلمت للأمر الواااقع
|[من ترك شي ء لله عوضه الله خيراا منه الحين بتفهمون قصدي]|
البنااات كلهم خلصو الكوفيرا وهي تزين لميس البنات كانو يلبسووون وبعدين كل البنات نزلو وركبو في السيارة
مع خالد الي هو اخو منى
|[ فكرة بسيطه عن خالد |[ خالد شاب وسيم جميل الكل يمدحه كل بنات عمه دااايخات فيه وكل وحدة تتمناة يكون من نصيبهاا بس دارين ان مافيه أمل لان خالد ماكان يهتم ببنات عمه ولا يعبرهم بيني وبينكم يعجبني يستاااهلون ]|
كانت لميس مابعد لبست فستان الزواج كانت لابسه بجاامه و زنوبات |[و انتو بكرامه]|
خالد لمنى: باقي أحد
منى: ايه باقي لميس
خالد:كلموها قلولها تخلصنا تأخرت على الرجاجيل
منى :طيب منى تدق على لميس ,, لميس من الخوف ماردت داريه بتاااكلهااا هوشه |[مسكينه كأنها هي السبب ]|
منى قبل لاتنزل قالت لـ لميس : اذا خلصت المكياج والتسريحه خذي فستانك والبسي بالحمامات |[و أنتم بكرامه]|
لميس :طيب
منى لخالد : خالد روح قلها تخلص علشانها بتخاف منك وتنزل
خالد :طيب وانا برقى باخذ لي شيء
رااح خالد وهو يرقى قال الي باقي بسرعه تخلص |[هو مستحي يقول أسمها ]|
لميس كانت نازله من الدرج ومعها فستانها وجزماتها وتقول طيب وتنزل بسرعه
وخالد يرقى |[مساكين محد داري عن الثاني]| وهي نازله الا و تردووووووووووووووووووووب
تخيلو البنت مكياج وتسريحه وبيجامه |[الزين مايكمل]|
لميس على طوول حركات البنات : اااااااااااااااااااا |[صرخت]|
وقعدت تناضر عند مكان القلب في خالد |[ لاتفهمونها غلط]|
خالد : مستغرب ليه هي كذا يوم ناظر الى طبعت شفايفها على ثوبه الي توهـ مفصله خصيصا للزواج
|[لاحظو مكان الطبعه يعني مايقدر لا يوزيه بشماغه ولا يقدر يغسله لان الروووج احـــمـــر
صعب يغسله لانه بينتشر ولا هوب مستفيد شيء]|
المهم قال خالد لـ لميس: انزلي أركبي وأنا بأجي ألحين
لميس وهي خايفه منه متأخرة ولا خربت ثوبه :طططط طيب ونزلت
|[في السياااارة وهي مكتظه بالبنات كانت لميس جالسه جمب منى أخت خالد وهي مرة كانت خاايفه
خالد جاء وركب السياره بعد ماغير ثوبه وقعد يناظر بالمراايه لميس ]|
لميس خافت وهي ماتدري ظغطت على يد منى
منى للميس: وجع ان شاالله وشفيك لازقه فيني نااااقصه حنااااان |[ وكل هذا صار وخالد يناظر ]|
هو عرف وش سوت لميس ضحك الضحكه المااااايله الي كلها .... |[وااضحه ان شاالله لكم]|
ونزل راسه كل البناات مشقصات خايفين على شعووورهم لاتخرب
ولميس في عالم ثاني عالم كله رعب من الي صار ولا قالت لحد وصلو الزواج و نزلوا البنات
البنات لـ لميس: يالله ادخلي الحمامات |[وانتم بكرامه]| البسي خلصيناااا
الكل استااانس بالزواج ونبسط |[حتى لميس وخالد هع هع ]|
رجعو الاعمام لـ الرياض
بعد اسبوعين ,,
الباب ينطق على غرفه لميس
ام محمد: لميس افتحي
لميس :طيب يمه
الام قالت لـ لميس: ولد عمك سلطان خالد خطبك
لميس: هاه
الأم: موافقه
لميس : ايه
الام :على بركه الله |[ هذي موب لازم التفاصيل اهم شي الزبده]|
يوم دروا بنات عمها استغربو ليه هي بالذات مع انه مو مهتم فيهم
|[ لو يدرون على الي صار كان عضو اصابع الندم خخخخخ ]|
في الزواج كان خالد معه بندر ولد عمه
بندر :هاه خالد اشوفك متلحف بالبشت برداااان
خالد:مالك دخل
بندر:ههههههه حمد لله على العقل ايه و الله أصحاب العقول في راحه
خالد: طيب اسكت
العم ابو محمد لـ خالد: تعال ياولدي ادخل على عروستك
خالد : ابشر ياعمي|[ وهو مازال متلحف ]|
دخل خالد على لميس
لميس كانت منزله راسها و تلمحه
لميس بينها وبين نفسها : وشفيه متلحف؟؟؟
خالد جلس جمب لميس وفتح بشته وقال : تتذكرين هذي ؟؟؟
لميس أستغربت وش قاعد يقول هذا ورفعت راسهاا وشااافت نفس الثوب ماتغير فيه شي

هاه وش رايكم ؟؟؟
مع تحيتي ، أبو فهد

مشكور على الوضوع

مشكور أخوي على الموضوع