مساء الخيرللدلاخه عنوان وهاذاعنواني!!!

سلخير

الله حيهم الربع تسيفف حالكم وحالكن ==>>قايلت لكم اهم شيء نراعي الجنس الناعم

ايه شخباركم شخبار امتس وابوك وشغالتكم ==>>بدينا بالسماجه اخلصي لاشوتس

مدخل ::

ما كل ما يتمنى المرء يدركه **** تجري الرياح من ورا خشمك


المقدمه ::

بسم الله الرحمن الرحيم
السلام عليكم ورحمة الله وبركاته معلماتي العزيزات مديرتنا المخيسه طالبتنا الشيون ==>>مصدقتن عمرتس يالتسلبه التفاصيل ::
أنا من أشد الاحرصين ==>ماخوذه من الحرص

على الأناقه ==>>ايه مهيب من جنبها ابد . يعني أحب لما انزل شيء اكتب حالتي وانا

انزل خنابقي



==>>هذا المستخدم الدلخ لابس صروال بجامه احمر فيه ورود صفرا وبيضاء وفنيله زرقاء (الهلال في قلوبنا ) يالله احس اني اجنن ياناس وشعري مسويته سبايكي ==>>حدتس رافعته بشباصه يالفكاشه

==>>تسل ذي مقبلات مابعد بدينا بالاساس

==>>يالليل ماطولك
في صباح الامس بمثل هذا الوقت طقت تسبدي طفح الكيل خلاص مليت من النت ==>>الناس نامين بالاجازة وذي تقوم من صباح ربي يالله لاتبلانا

واصكر النت وانا متنرفزه وواصله معي لين مناخيري

وادحدر تحت بكل رفق ==>>سندريلا زمانها واطلع بالوحش والقى اخوي الورع ماغيره ومعه ولد عمتي خويلد
التسلب =>>لاتحسبوني وصخه اطلع عنده وانا كاشفه لا هو بزقه بسادس ابتئادي

عاد انا اذا شفت كره انسى نفسي ==>>جنونها الكره قبلها مسطحتهن عند جيراننا

لابعد انافخ عليهم اذا مارجعوه==>>لاازين روحي تسلقي لبيتهم ==>>مهيب شينه

واانقز من الدرج مثل الغزل وانبطح ارضا واوقف وانفض الغبار من فنيلتي الانيقه

واصفر بااصابعي حليتها ==>>فاهمه غلط

خلاص جيت هاتو الكره

خويلد : انزلعي ياأنتس تلعبين معنا ولاتبطين تاخذينه

الأنيقه : ==>>الي هي انا : قصمن بالله لاشوتك براا بيتنا يالتسلب

بعد جاي بيتنا وينافخ

اخوي الاثول : خلاص العبي معنا بس لاتمزعين يرحم امتس

==>>بفكر ياخي شسوي تسسذا لعبي


فاصل ::

قم للمعلّم وفّه التبجيلا **** وإذا ما عطاك وجه بنشر كفر سيارته

:::::::::::::::::::::::::::::::::::::::

واطب واهجم واشوت وامزع يمكن نص الاهداف بمرماي واذا ماعجبني الوضع يعني

ابطت الكره ماجتني طحت على الارض واقول فاااااااول ==>>ع كيفها

يوم اني قصرت صفرت فاصل بين الشوطين واجيب مويه واسكبها على البلاط لاني خلاص

ببطل وخلهم يتزحلقون مابي يلعبون ==>>نذله


وتجي شغالتنا تبي تمسح المويه واشوتها بالكره وتناظرني واناظرها وافتح خشتي

اووه سوري سوري ياكمخه ==>>تحسبني امدحها

وادخل واصارخ سوباااااااااااااااااااااااااارمي يالعنز ==>>شغالتنا الدلخه

جييب خبزت صامولي جبن كاس شاهي اخلصي ==>>لاعبه حريفه لازم تدلع

وترقى هالضعيفه ومعها الطوفريه وتنزل

وهالضعيفين تحطموا قل لك خلك نذل تصير ملك

مايستفاد ::

1- من اللازم استغلال هيبتك فيما بعود عليك بالفائده ==>>هيبه من جنبها والله

2- في حالة الطفش درعم عند المبزره وثق تمام انك سوف تنبسط

3- الإنأقه هي مصدر الدلاخه فلاتستغني عنها مخرج ::

لسانك حصانك..إن صنته صانك..وان خنته رفسك على جبهتك

اختكم abooorh تابعونااااااااااا دوما خخخخخخخخخخخخ <<تسوي دعايه هههاي

وين الردود هاه

مشكور والله يعطيك العافيه
تراني طاير ماقريت الموضوع
كانه يضحك اقول
ههههههههههههه
وكانه عايدي اقول
مشكور

هههههههههه

يعطيك العافيه

اخوي