نـاقــتــي يـانـاقـتــي

نـاقــتــي يـانـاقـتــي
للشاعر/ناصر الفراعنه

نـاقــتــي يـانـاقـتــي لاربــــــاع ولاســـديـــس************ وصليـنـي لابـتـي مــن وراء هــاك الـطـعـوس
حائـلاً رابـع سـنـه مــن خـيـار العـيـس عـيـس ************ خـفـهـا لادرهـمــت كـنــه بـالـنـار مـحـسـوس
فـي دجـى خالـي خـلا لاحسيـس ولا ونيـس ************ تنوخـذ مـن شــدة الـبـرد طقطـقـة الـظـروس
فـي عيونـي يكـفـخ الطـيـر ويطـيـح الفـريـس************وانتهـض جسـاس مـن دون خالتـه البسـوس
وفـي خفوقـي فـرخ جنيتـاً يـضـرس ضـريـس *************يــوم اوردهــا هـجـوس واصـدرهــا هـجــوس
ديرتـي دار ابـن ضـاري وابــن غثـلـم جـريـس*************ديـرة اللـي دوجـوا فـي فيافـي نـجـد جــوس
ديـرتــي يـابـنـت شـيـخــاً ومـعـدنـهـا نـفـيــس*********** عيـطـمـوسـاً دونــهــا دثـرتـنــي عـيـطـمـوس
جـادلاً مطـرق جسدهـا مـع الغـربـي يمـيـس ************طينـتـاً مــن تـربــة الـخـلـد والـــدم مـحـمـوس
نقشت خمساً من الخمس في يوم الخميس*************لـيــت شـعــري مـــا ارادت بـهــذا دخـتـنــوس
كـــم تـمـنـا إن مـعــه مثـلـهـا فـتـنــه بـلـيــس************كـان يمكـن قــد قـلـب نـصـف إمتـنـا مـجـوس
كـن دمــاث الـصـدر منـهـا كنيـسـه او كنـيـس*************صـومـعـة رهـبــان ديـــراً يـــؤدون الـطـقـوس
آتـقــوس مـــع تـقــوس نـواهـدهــا وإقــيــس************قبتـيـن قــاب قوسـيـن قـوسـاً جـنـب قـــوس
خصـرهـا يحـكـي لـنـا واقــع الـقـوم التعـيـس************وردفهـا عـن غطرسـة بــوش يعطيـنـا دروس
وبالـرغـم مــن قصـرهـا مايجالـسـهـا جـلـيـس***********تصبح أطول نسوة الارض في وضع الجلوس
العـروسـه ماتـبـي غـيـر ابــو تـركـي عـريـس***********العـروسـه نـجـد ماهـيـب حــي الله عـــروس
نجـد بـنـت المـجـد ونـسـة مونـسـة الونـيـس***********ماعسفهـا الا معـزي ضحـى الـيـوم العـبـوس
كل اهل نجد هلي مـن إجـاء حتـى الخميـس***********فـي ذراهـم بالتجـي عـن مجففـة الرسـوس
وعيشتـي مابيـن أسـوداً ولــو مـانـي رئـيـس**********(خير من كوني رئيسـاً علـى شلقـة تيـوس)
وليـس عيبـاً إن خدعنـي بمـكـره كــل هـيـس**********لان مايـفـهـم بـمـكـر الـهـيـوس الا الـهـيــوس
مصطـفـى فــي مـأدبـة عـمـه البـابـا لـويــس**********كـبـر اللقـمـه تـحـت ضـــؤ حـمــراء الـكــؤوس
وطسـم حدتهـا علـى حائـط المبكـى جـديـس*********يــوم شـقـت ثـوبـهـا بـنــت عـفــار شـمــوس
سـيـدة هــاك القـصـر أسمـهـا الاول لـمـيـس*********دونـهـا سـمـر الحـنـاجـر بـتـرهـا حـــد مـــوس
قسقسـة لاحرارهم.قيس.قيس.قيس.قيـس*********والبستـهـم مـــن مهانـتـهـم انـــواع الـلـبـوس
بـيـن خـدعـة كـعـب اخـيـلاً ومـولــد ادونـيــس*********درســونــا الالــهــه والــمــدرس هــنـــا روس
ويش لاقوا من قناة السويس اهل السويـس**********وويش لاقوا من تلمسـان قومـاً مـن سنـوس
كلـهـم مــن شــدة الـجـوع راحــوا خـنـدريـس*********بيـن غيبـوبـة مـخـدر وصـحـوة عــرق ســوس
ثــــورة راحــــوا سـبـبـهـا بــتــوع الاتـوبــيــس*********وش نـبـي فيـهـا وهــي ماتـهـز الا الـغــروس
آفـة المـرء اثنتـان الــف كــاس وحــب كـيـس**********والنفـوس الـيـا بغـيـت اتعرفـهـا ارم الفـلـوس
ينكشف زيف الشعارات الى حمـي الوطيـس**********ترجـع الاذنـاب إذنــاب وتبـقـى الــروس روس
صـدق لاقـال العـرب مايحـوص الا الخسـيـس*********ولايـوط الـروس شئيـاً مثـل ضـعـف النـفـوس