ة الكاملة من نزولنا إلى مطار مسقط إلى الإقلاع منه ... وتهجم الجماهير على لاعبين المنتخب في المطار

بسم الله الرحمن الرحيم

هارد لكم ياشباب .... ماكانت مكتوبه ,, خسرنا بشرف وان شاء الله معوضين

صراحة ترددت في كتابة هالموضوع كثير

لكن قلت لازم اعضائنا الغالين يعرفون السالفه كاملة


بداية وصلت رحلتنا إلى مطار مسقط الساعه الرابعه بتوقيت عمان ... ركبنا الباصات وعلى طول الملعب
وفي الطريق والله ياجماعة الخير ,.. لقينا معاملة من العمانيين يمكن مانلقاها في بلدنا

صحيح والله .... العمانيين شعب طيب لأقصى الحدود ويتمتع بروح وأخلاق رياضيه عاليه

صدقوني ياجماعه من وصلنا لين طلعنا ولا في اي واحد غلط علينا ولا على فريقنا

المسيرات قبل وبعد المباراه كانت الأعلام تجمع مابين الأخضر والأحمر والجميع مبسوط

أرفع القبعه إحتراما للشعب العماني الرائع

دخلنا الملعب الساعه الخامسه بتوقيت عمان تقريبا وكانت الجماهير العمانية خارج الملعب مثل الجماهير التي داخل الملعب

دخلت الجماهير السعودية بصعوبة مع الزحمه مع تنسيق فيصل العبدالهادي ... حتى ولد عمي قاله خف على الهلال الله يرحم والديك قام يضحك

دخلنا الملعب مع دخول اللاعبين للتدريب وسط تشجيع عماني رهيب

مانطول عليكم المهم استمرت المباراه الا مااستمرت عليه

بعد المباراه وفوز عمان حينما اقترب لاعبو منتخب عمان من الجمهور السعودي صفقت لهم جماهير السعودية بحراراه وروح رياضيه عاليه يحسدون عليها

صدقوني ياجماعه ان من معاملة العمانين لنا بعد المباراه انهم نسوني الهزيمه




المهم نصل للصلب الموضوع

تهجم الجمهور السعودي على اللاعبين

وطبعا كانت على قسمين

القسم الأول :

تهجم الجمهور على لاعبي الإتحاد والأهلي

طبعا الكل يعرف ان في طائرة خاصه للاعبي الأهلي والاتحاد موفره لهم من قبل ادرات ناديهم

فهم جاو المطار قبل باقي اللاعبين وصادوهم الجمهور

للتنويه ... بعض باصات الجماهير السعوديه توقفت بعد المباراه في احد فنادق عمان ونزلت الجماهير ونزل المشرفون للفندق وكلهم وقعو في شرب المحظور ... وفهمكم كفاية

اكثر لاعب مسكين تضرر من الجهور هو تيسير الجاسم ... اول مانزل من الباص قام احد الجماهير بدفع عربية الحقائب عليه واتجه اليه لضربه لكن الأمن ابعدو المشجع واللاعب .... وايضا كريري تم دفعه والمسيليم مع انه ماله شغل

هذي السالفه صراحة ماحضرت الكثير منها

لكن المهم والأهم

شهد المطار أحداث مؤسفه من الجماهير السعوديه ... اثنين ** الله يكرمكم تهاوشو في المطار وفشلونا ... لكن المصيبه يجي المشرف على الجماهير وهو رايح فيها ويقول لاتشوهون صورة السعوديين والعالم تظحك عليه

والله ماخفي كان اعظم

القسم الثاني

لاعبي فرق منطقة الرياض والشرقيه

طبعا انا اول من شاف باص المنتخب كنت جالس خارج المطار اسولف مع عيال عمي

اول ماشفت الباص اتجهت مع كامرتي وصورت اللاعبين

وبعد كذا تجمع الجمهور السعودي على الباص

ناصر الجوهر وجد تحية كبيره من الجمهور

اول النازلين من الباص هو احمد الفريدي وهذا لحاله قصه

احمد الله يهديه نزل لحاله ومشى وراح وسط الجمهور الـ ** جا واحد رايح فيها ودفع احمد واحمد ماسكت قام هالمشجع ويضرب الفريدي على وجهه ويتجمع الجمهور على الفريدي .... ناس تبي تضرب وناس تبي تفك

لين فكيناها انا وكم واحد من الجمهور ورجعناه الباص

ثم توالى خروج اللاعبين وكان الجمهور يركز على المرشدي اللي والله انه عسل هالرجال ... خفيف دم ويتقبل من ايس شخص وكذلك وليد عبدالله وعبدالله شهيل كلهم ماقصرو

ايضا ناصر الجوهر اخذ المشجعون بتقبيل رأسه احتراما لهذا المدرب القدير

جات المصيبه ونزل ياسر وتجمعو عليه الجمهور

اللي يمسك في شعره واللي يبي يخنقه والأمن مهوب عارف يتصرف

انا عندي صور راح انزلها في موضوع ثاني ان شاء الله

المهم ان الأمن اخيرا تجمع ورجع اللاعبين الباص إلى ان يهدأ الجمهور


السبب الرئيسي في المشكلة هم المشرفون اللي مو قد المسؤوليه اللي نزلو الجمهور الفنادق وخلوهم يشوهون سمعة بلدنا


لكن الشكوى لله

والله ماعلى أقول شهيد

اعذروني على الإطاله